Сарчашмаи оғози фаъолияти Ҷамъияти дорои масъулияташ маҳдуди Ташкилоти амонатии қарзии хурд «ОКСУС» ба лоиҳаи маблағгузории хурди (Microfinance project ё худ MFP) Агентии ҳамкориҳои техникӣ ва рушд (ACTED) дар соли 1997 рост меояд.

Талаботи зиёди аҳолӣ ба хизматрасониҳои маблағгузории хурд, афзоиши лоиҳаи ибтидоии MFP ва соли 2005 қабул гардидани Қонуни Ҷумҳурии Тоҷикистон «Дар бораи ташкилотҳои маблағгузории хурд» бо мақсади ба танзим даровардани фаъолият дар ин соҳа, боис гардид, ки лоиҳаи MFP худро ҳамчун ташкилоти ҷамъиятӣ (шахси ҳуқуқӣ) ба қайди давлатӣ гирад. Санаи 18 ноябри соли 2005 MFP худро ҳамчун ҶДММ ТҚХ “ОКСУС Микрофинансы” ба қайд гирифт.

Бо мақсади оғоз намудани фаъоляти маблағгузории хурд ҶДММ ТҚХ “ОКСУС Микрофинансы” аз Бонки милли Тоҷикистон Иҷозатномаро дар санаи 17 январи соли 2006 дастрас намуд.

Моҳи августи соли 2013 ташкилот номи худро ба ҶДММ ТҚХ “ОКСУС” тағир дода, Иҷозатномаи Бонки милли Тоҷикистон дар санаи 16 октябри соли 2013 иваз карда шуд. Соли 2025 ташкилот кушиш бахарҷ намуд, ки аз ташкилоти қарзии хурд ба ташкилоти амонатии қарзии хурд табдил ёбад, ва санаи 27 ноябри соли 2025 бо қарори Бонки милли Тоҷикистон ба ташкилот Иҷозатномаи ТАҚХ дода шуд.

Дар асоси Иҷозатномаи Бонки миллии Тоҷикистон аз санаи 27 ноябри соли 2025 таҳти БМТ№0000356 ба ҶДММ Ташкилоти амонатии қарзии хурд «ОКСУС» фаъолияти ташкилотҳои амонатии қарзии хурд тавассути анҷомдиҳии амалиёти бонкии зерин бо пули миллӣ ва асъори хориҷӣ иҷозат додашудааст:

• ҷалби амонат ва пасандозҳои шахсони воқеӣ ва ҳуқуқӣ;
• додани қарзи хурд (бо таъмин ва бетаъмин);
• кушодану пешбурди суратҳисобҳои бонкӣ;
• интиқоли маблағҳои пулӣ бо фармоиши муштариён;
• додани кафолат;
• қарордодҳои форвардӣ ва своп барои худ;
• амалиёти кассавӣ;
• амалиёти ҳисоббаробаркунӣ ва мубодилавӣ;
• барориши кортҳои пардохтии бонкӣ ва амалиёт бо онҳо

Сармоягузори ҶДММ ТАҚХ «ОКСУС» — ташкилоти «OXUS Holding SA» бо 100% саҳм мебошад.